Атырауда тұрғын үйлердің бірінде газ ауа қоспасы жарылды, деп хабарлайды Ulysmedia.kz облыстық төтенше жағдайлар департаментіне сілтеме жасап.
Салдарынан бес адам жансақтау бөліміне түсті. Барлығы – бір отбасының мүшелері. Оқиға 2 қаңтарда болған.
"Көкнәр ауылы Көкарна көшесіндегі тұрғын үйлердің бірінен түтін шығып жатқаны туралы хабарлама түсті. Құтқарушылар газ ауа қоспасы жарылғанын анықтады. Салдарынан 140 шаршы метр тұрғын үй өртенген", - дейді ведомство.
Өртті сөндіруге 16 қызметкер мен 3 техника жұмылдырылды.