Өткен тәулікте құтқарушылар 43 адамды әртүрлі жағдайда құтқарды, - деп хабарлайды Ulysmedia.kz ТЖМ баспасөз қызметіне сілтеме жасап.
Өткен тәулікте Қазақстан ТЖМ күштеріне 152 қоңырау түскен. Оның 73-і өрт пен жану оқиғалары, 79-ы іздестіру, авариялық-құтқару бойынша тіркелген.
Бұл ретте 43 адам құтқарылып, эвакуацияланған.
"ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады. Абай болыңыз! Біз үшін әрбір өмір маңызды!", - делінген ТЖМ хабарламасында.