Үкімет басшысының бірінші орынбасары Роман Скляр депутаттарға берген жауабында Үкімет өкілдері TikTok пен Meta өкілдерімен кездесіп, жаңа талаптарды талқылайтынын хабарлады, деп хабарлайды Ulysmedia.kz.
Роман Склярдың хабарлауынща, TikTok платформасын реттеу және пайдалану саласындағы халықаралық тәжірибе зерттеліп жатыр. Батыстың бірқатар елі оны пайдалануды бұғаттау немесе шектеу шараларын қабылдап жатыр.
– Осыған байланысты интернет-ресурстар мен онлайн-платформалардың өкілдерімен бірлесіп, біздің ұлттық ерекшеліктеріміз бен қажеттіліктерімізді ескере отырып, оларды бейімдеу бойынша жұмыс кеңестерін өткізуде. Наурыз айында TikTok және Meta өкілдерімен онлайн-кездесу жоспарланып отыр, онда онлайн платформаларда жалған ақпаратқа тыйым салу және орналастыру, сондай-ақ оларды жою бойынша онлайн-платформалардың иелеріне қойылатын жаңа талаптар талқыланады, – дейді Скляр жауабында.
TikTok платформасында қауіпсіздікті қамтамасыз ету және пайдаланушыларды заңсыз контенттен қорғау үшін арнайы «Шағым» қосымшасы бар. Пайдаланушылар өтініш беру себебін көрсетеді содан кейін TikTok командасы контентті мұқият талдайды және материалды жоюды қоса ала отырып шараларды қабылдайды.
Бұдан басқа, ақпарат саласындағы уәкілетті органның ресми сайтында «интернет контентіне шағымдану» арнайы сервисі құрылған. Онда келіп түскен барлық шағымдар бойынша жедел түрде орналастырылған материалдарға құқықтық бағалау жүргізіледі және материалды бұғаттау немесе жою жөнінде шаралар қабылданады.