Қазақстандық теннисші 4-айналымда әлемнің 18-ракеткасы, 2017 жылғы АҚШ чемпионатының финалисі, америкалық Мэдисон Кизбен бақ сынасты, деп хабарлайды Ulysmedia.kz.
Бұған дейін қос спортшы үш рет кездессе, соның екеуінде америкалық спортшы жеңіске жеткен болатын.
Бұл жолы бірінші партияда есеп 4:3 болған кезде Рыбакина брейк жасай алды – 5:3. Сосын сетке доп бергенде, өз мүмкіндігін жіберген жоқ – 6:3.
Екінші сетте Елена брейкпен алға шықты – 3:1. Киз да қалыспады – 3:3. Есеп 5:5 болған сәтте қазақстандық теннисші тағы бір брейкке қол жеткізді.
Сосын матчты эйспен түйіндеді – 7:5.
Елена Рыбакина жартылай финалға шығу үшін әлемнің 9-ракеткасы, грекиялық Мария Саккаримен кездеседі.