Астананың 8 тұрғыны террористікпен айналысқаны үшін сотталды, деп хабарлайды Ulysmedia.kz.
Сот үкімі
Олар сот үкімімен 7 жылдан 20 жылға дейін бас бостандығынан айырылды.
Астана қалалық прокуратурасы баспасөз қызметі террористік топтың қатысушылары Сирия аумағына қоныс аударуды және Қазақстанда басқарудың теократиялық жүйесін орнату қажеттілігін талқылағанын, топ жетекшісі Сириядағы соғыс қимылдарын жүргізетін террористік ұйымды қаржыландыруды ұйымдастырғанын мәлімдеді.
Радикалдардан сақтануға шақырды
Мемлекеттік айыптаушы сотталушылардың кінәсін дәлелдеген.
Астана қаласының прокуратурасы исламдағы радикалды идеяларды насихаттайтын интернет-сайттар мен орындарға барудан сақтануға шақырады, – делінген хабарламада.