Белсенді Айдар Сыздықов екі айға қамауға алынды, деп хабарлайды Ulysmedia.kz.
Астанада белсенді Айдар Сыздықовтың ұсталғаны белгілі болды, кадрлар әлеуметтік желілерде жарияланды. Белсендінің әйелі Айгүл Тоқпаеваның айтуынша, күйеуі заңсыз қудаланып жатыр.
Толығырақ
Кейінірек Сыздықовтың екі айға қамауға алынғаны белгілі болды. Оған "есірткі сатты" деген айып тағылған. Адвокат Мейіржан Досқараевтың айтуынша, құқық қорғаушыны тұтқындауға байланысты құжатта Сыздықов "есірткі сатқан" деген түрлі мекен-жайлар көрсетілген, деп жазады Азаттық радиосы.
"Сонымен қатар, одан 3,9 грамм есірткі сатып алдым деп мәлімдеген Иванов есімді адам ақшаны Сыздықовтың банк картасына аударғанын айтты", - деді адвокат.
Іс несімен күмәнді
Адвокат үш жыл бұрын Сыздықовты "экстремистік ұйымның жұмысына қатысты" деген айыппен үш жылға бас бостандығын шектеуге үкім шығарғанын, содан кейін оның банк карталары бұғатталғанын еске салды.
"Осыдан кейін ол автоматты түрде банк картасын аша алмайды немесе біреуге сенімхат бере алмайды. Бұл іс саяси тұрғыдан қозғалған, мен оны қудалау деп санаймын", – деді адвокат.
Еске сала кетейік, бұған дейін наурыз айының басында 15 тәулікке қамауға алынған Айдар Сыздықов "бейбіт жиналыстар туралы заңды бұзды” деген айыппен жаңа 15 тәулік алғаны хабарланған болатын. Оған 2023 жылғы 11 қазанда " Алға Қазақстан!” тіркеуге құжаттар тапсырылды.