Белгілі әнші Димаш Құдайберген жанкүйерлерін тағы қуантты. Өзінің туған күнінде өткізген Ыстанбұлдағы концертіне әлемнің түкпір-түкпіріннен жанкүйерлер ағылды, деп хабарлайды Ulysmedia.kz.
Әртіс Түркияда өнер көрсетіп, сахнаға Қазақстанның Туымен шықты. Жанкүйерлер оның өнеріне тамсанып жатыр.
“Сөзбен жеткізу мүмкін емес эмоциялар үшін рахмет!”
"Бұл керемет болды"
"Бұл керемет концерт", – деп жазады жанкүйерлер.
Димаштың Ыстанбұлдағы конценрті өткен “Бешікташ” стадионы көрерменге лық толды.
Бұл кеште «Stranger» шоу бағдарламасы туған күн иесінің қонақтары мен достарының қойылымдарымен әсерлене түсті. Өнер иесін құттықтауға Түркия, Қазақстан және АҚШ-тан әлемге әйгілі музыканттар келді.
Концерттің тағы бір қонағы атақты диджей Бурак Йетер болды. Ол Димашпен былтыр Түркиядағы «Weekend» әнінің премьерасы өткен алғашқы концертінен бері бірге жұмыс істеп келеді. Бұл жарқын, жеңіл шығарма бүгін тағы да орындалып, көрерменнің ерекше ықыласына ие болды.
Бурак Димашқа былтыр арнайы қонақ ретінде қатысқан оның жұлдызды шоуының символы болып табылатын «ғарыш» күртесін сыйлады.
Осы мерейтойлық кеште Димаш алғаш рет Лос-Анджелестен келген қонақ, композитор, продюсер, көптеген танымал музыкалық туындылардың авторы Нейтан Вангпен бірге бір сахнада өнер көрсетті.
Димаш композитордың сүйемелдеуімен ұлы Джеки Чанның «Авангард» фильмінің саундтрегін алғаш рет сахнада орындады. Димаш 2020 жылы фильмнің соңғы нүктесін қоятын әні ретінде «Happy» композициясын жазды. Димаш пен Нейтанның өнер көрсетуі көрермендер үшін үлкен тосын сый болды. Көрермендер қытай тіліндегі виртуоздық фортепиано мен бір қарағанды жеңіл болып көрінетін вокалдық дауысты ерекше әсермен қабылдады.