Атақты миллиардер Илон Маск WhatsApp мессенджері күнделікті пайдаланушы деректерін коммерциялық мақсатта жинап, пайдаланатынын айтып қалды. Бұл өз кезегінде Meta платформаларында жаңа деректер қауіпсіздігі туралы дау тудырды. Қызу талқы Маскқа тиесілі Х платформасында айтылды және қызу пікірталас тудырды, деп хабарлайды Ulysmedia.kz.
WhatsApp басшысы Уилл Кэткарт Масктың мәлімдемелерін жалған деп жоққа шығарды. Қақтығыс Маск WhatsApp әр кеш сайын пайдаланушылардың деректерін талдау және мақсатты жарнамалар үшін экспорттайды, пайдаланушыларды өнімге айналдырады деген басылымға түсініктеме бергеннен кейін басталды.
"WhatsApp сіздің деректеріңізді күнделікті экспорттайды. Кейбіреулер мұны әлі де қауіпсіз деп санайды", - деп жазды Илон Маск 2024 жылдың 25 мамырында.
Meta компаниясына тиесілі WhatsApp құпиялылық мәселелері үшін сынға ұшырап, беделді компаниялар тізімінде 100-дің ішінде 97-ші орында. Осыған қарамастан, Уилл Кэткарт пайдаланушылардың деректері қорғалған және Маск сипаттаған мақсаттарда пайдаланылмайды деп сендіреді.
Кейбір пайдаланушылар Маск өз мәлімдемесінде "хабарламалар" емес, "пайдаланушы деректері" терминін қолданғанына назар аударып метадеректерге меңзеген болуы мүмкін деп топшылады. Қауіпсіздік зерттеушісі Томми Миск WhatsApp хабарламалары шифрланғанымен, кейбір метадеректер соның ішінде орналасқан жері, контактілері және пайдаланушы әрекеттері туралы ақпарат басқа Meta компанияларына ерілетінін атап өтті. WhatsApp құпиялылық саясаты кейбір пайдаланушы ақпараты Meta өнімдерінде тиісті жарнамаларды көрсету үшін пайдаланылатынын растайды.
Бұған дейін
ҚР Ішкі істер министрлігі интернет-алаяқтықтың жаңа түрі туралы ескертті.
Қылмыскерлер танымал WhatsApp мессенджері арқылы бейнеқоңырау шалады. Алаяқтарға біреудің атына несие рәсімдеуге деректерді алу үшін бірнеше секунд сөйлессе жеткілікті.