Қазгидромет мамандары Қазақстан аумағы бойынша 1-3 маусымға арналған ауа райы болжамын жариялады. Ел аймақтарында алдағы күндері ауа температурасы көтеріліп, күн ысиды, деп хабарлайды Ulysmedia.kz.
Алдағы күндері Қазақстанның басым бөлігінде ауа райы тұрақсыз болады. Көптеген өңірде өткінші жаңбыр жауып, найзағай, жел күшейеді. Еліміздің оңтүстік-батысында ғана ауа райы жауын-шашынсыз болады.
Температуралық фонға келетін болсақ, республиканың солтүстігінде және орталығында ауа температурасы 17-27 градусқа көтеріледі. Ал еліміздің оңтүстігінде ауа температурасы 27-35 градусқа дейін біртіндеп ысиды.