Ол Бангкокта өткен турнирде қарсыласын 5:0 есебімен жеңді, деп хабарлайды Ulysmedia.kz порталы Туризм және спорт министрлігінің баспасөз қызметіне сілтеме жасап.
Бокстан Бангкокта (Таиланд) өтіп жатқан шешуші лицензиялық жарыста Валентина Хальзова Колумбия спортшысы Ширлейдис Орозконы 5:0 есебімен жеңіп, Олимпиада лицензиясына қол жеткізді.
Ұлттық құрама спортшысы (75 кг) жолдамаға қол жеткізу үшін 6 айқас өткізіп, үшінші жарысында дегеніне жетті.
Токио Олимпиадасында осы салмақта Надежда Рябец, Рио Олимпиадасында Дариға Шәкімова, Лондон Олимпиадасында Марина Вольнова бақ сынаған еді.
Қазір Қазақстан құрамасындағы квота саны 56-ға жетті.