Синоптиктер 9 маусымға арналған ауа райы болжамын жариялады, деп хабарлайды Ulysmedia.kz.
Қазгидромет синоптиктері елдің көп бөлігінде жаңбыр жауып, найзағай ойнайды деп болжайды. Солтүстік аймақтарда қатты жаңбыр, бұршақ және қатты жел күтіледі. Сондай-ақ, бүкіл республикада тұман түсіп, жел күшеюі мүмкін.
Күндіз Алматы, Қызылорда және Жетісу облыстарында қатты ыстық болады деп болжанады. Осындай ауа-райы Атырау, Жамбыл, Ұлытау облыстарында, Абай облысының оңтүстігінде және Түркістан облысының шөлді аудандарында күтіледі.
Маңғыстау, Түркістан, Жамбыл және Алматы облысында, сондай-ақ Ұлытаудың батыс, оңтүстік және орталық аудандарында, Қызылорданың батыс және солтүстік аудандарында, Батыс Қазақстанның оңтүстік-шығысы мен оңтүстігінде, Ақтөбенің батысында және Жетісудың солтүстігінде, солтүстік-шығысында, оңтүстігінде және орталығында жоғары деңгейде өрт қаупі сақталады.
Төтенше өрт қаупі Атырау облысында, Түркістан облысының солтүстігінде және батысында, Батыс Қазақстан облысының батысында, Қызылорда облысының оңтүстік, солтүстік-шығыс және орталық аудандарында, Маңғыстау облысының солтүстігінде, шығысында және орталығында, сондай-ақ Ақтөбе облысының оңтүстігінде болжанады.