Қазақстанда онлайн құрбандық шалатындар үшін qurban2024.kz сайты іске қосылды, деп хабарлайды Ulysmedia.kz.
ҚМДБ мәліметінше, онлайн құрбан шалғысы келетіндер сайт арқылы құрбандық малын таңдап, көрсетілген реквизитке қажетті ақшаны аударады.
Қой мен ешкіні 1 адам, ал ірі қара мен түйені бір немесе 7 адам бірігіп шалса болады.
Бұдан кейін төлем барысында хабарламаға тапсырыс нөмірі мен құрбандық шалушының аты-жөнін жазу міндетті.
Ет мұқтаж жандарға таратылады. Сол себепті олар осы сайтта етті алуға өтініш бере алады.
Еске салсақ, Мұсылмандар діни басқармасының мәліметінше, биыл Құрбан айт 16 маусымда басталады.
Сондай-ақ мейрам күндері не істеу керек екенін жазған болатынбыз. Астанада құрбан шалуға болатын орындар бекітілді.