Блогер Азамат Сәрсенбаев Ақтау қаласында су тапшылығын қиналған адамдар қалай өмір сүріп жатқанын көрсетті, деп хабарлайды Ulysmedia.kz.
Сәрсенбаев қалада бір аптадан астам уақыт бойы сумен жабдықтау жүйесінен ақау шыққанын айтады. Тұрғындар көшеге шығып, су таситын көліктерден су алуға мәжбүр.
Ол ақтаулықтардың үйден шығып, кезекте тұрып, суды үйге шелекпен әкетіп бара жатқанын көрсететін кадрларды жариялады. Блогер бұл жағдайды өткен ғасырмен салыстырды.
– Балалық шағымды есіме түсірдім. Тоқсаныншы жылдары мен де су алуүшін кезекте тұрушы едім. Бұл қайталанады деп ешқашан ойламаппын.
Өкінішке қарай, Ақтаудағы су тапшылығы жаңа деңгейге көтерілді, - деп жазды ол.
Ақтаудағы су тапшылығы
Еске сала кетейік, Ақтау тұрғындары бір аптадан астам уақыт бойы судың жоқтығына шағымданып жатыр. Адамдар наразылық танытып, шенеуніктерді мәселеге назар аударуға шақырып, жолды жауып тастады.
Ақтау қаласының әкімдігі бұл жағдайды аптап ыстыққа байланысты ауыз суды тұтынудың артуымен, сондай-ақ ескірген инженерлік желілермен түсіндіреді. Қала әкімдігі суды үнемдеуге шақырып, қалада сумен жабдықтау мәселесін 2025 жылға дейін ғана шешуге болатынын хабарлады.