Шымкент тұрғындары жер асты дүмпулерін сезінді, деп хабарлайды Ulysmedia.kz.
Бұл туралы қалалық Төтенше жағдайлар департаментінің баспасөз қызметі хабарлады. Жер сілкінісінің эпицентрі Қырғызстан аумағында, Алматыдан оңтүстік-батысқа қарай 511 км жерде болды.
"Шымкент ТЖ департаментінің 101 және 112 жедел желілеріне зардап шеккендер немесе қиратулар туралы хабарламалар түскен жоқ. Біз қала тұрғындары мен қонақтарын сабырлы болуға және тек ресми ақпарат көздеріне сенуге шақырамыз", – деді құтқару қызметінің өкілдері.
Қырғызстандағы жер сілкінісінің магнитудасы 5,1 құрады.
Алматыдағы жер сілкінісі
Еске салсақ, Алматыда 23 қаңтар күні түнде қуатты жер сілкінісі болды. Қалалық денсаулық сақтау басқармасы 40-тан астам адам жарақат алғаны жөнінде ақпарат таратты.
Сол кездегі Төтенше жағдайлар министрі Сырым Шәріпханов үкімет отырысында (онлайн қатысты) жер сілкінісі 4 облыста болғанын, ең қуаттысы Алматыда болғанын мәлімдеді.
Жер сілкінісінен кейін мектептер мен ауруханалардың қабырғасынан жарықшақтар анықталған.
Құтқарушылар жер сілкінісі болған жағдайда мына 10 кеңесті есте сақтауға шақырды. Олар не дейді: