Ұлттық қауіпсіздік комитетінің Шекара қызметі Мемлекеттік шекараны күзету мен қорғауды қамтамасыз ету аясында 2024 жылғы маусымда құзырлы органдармен бірлесіп атқарылған жұмыстары туралы айтты, деп хабарлайды Ulysmedia.kz.
«Шекара кеңістігінде Қазақстан Республикасының заңнамаларын бұзған 4 337 адам ұсталды, соның ішінде: 55 шетел азаматы шекараны бұзғаны үшін ұсталды. 35 шетел азаматының шекараны бұзу әрекеттерінің жолы кесілді», — деп жазылған хабарламада.
Мемлекеттік шекара арқылы 1 639 заңсыз алып өту фактілерінің алды алынған, соның ішінде: 46 – жалпы салмағы 14 кг жоғары есірткі заттары, 48 – ату қаруы мен оқ-дәрілер, 30 – діни әдебиет (692 дана); 553 – жалпы сомасы 14 млн теңгеден асатын жанар-жағармай материалдары (45 000 литрден астам); 726 – жалпы сомасы 2,2 млрд теңгеден астам халық тұтыну тауарлары; 236 – жалпы сомасы 1,9 млрд теңгеден астам шетел валютасы заңсыз өткізілмек болған.
Бұл істердің материалдары құқық қорғау және сот органдарына жіберілген.