Алматы қаласы №2 Алмалы аудандық соты бұрынғы күйеуінің қолынан қаза тапқан заңгер Айман Асанованың ағасына моральдық зиян өтемақысын өндіру туралы шешім шығарды, деп хабарлайды Ulysmedia.kz.
18 жерінен пышақ жарақатын алып көз жұмған заңгер Айман Асанованың ағасы әпкесінің өліміне кінәлі адамнан 50 млн теңге моральдық зиян өтемақысын өндіру туралы талап қойып, №2 Алмалы аудандық сотына жүгінген.
Нұртаев бұрынғы әйелі Айман Асановамен жанжал кезінде оған 18 жерден пышақ салған. Ол ауруханада көз жұмған еді.
Қайтыс болған әйелдің ағасы қойған талабында қарындасының өлімі оған және барлық жақынына ауыр қайғы-қасірет әкелгенін атап көрсетті. Оның әжесі мен әкесі уайым-қайғының салдарынан қайтыс болғанын айтты. Ол отбасына келтірілген моральдық зиянды 50 млн теңгеге бағалады.
Нұртаевтың өкілі оның жазасын өтеп жатқанын, ондай қаражаты жоқ екенін айтты.
Нәтижесінде талап қоюшының пайдасына моральдық зиянды өтеу ретінде 10 млн теңге өндірілді.
Шешім заңды күшіне енген жоқ.