25 шілдеде Алматы қаласының Медеу ауданында тұрғындар электр қуатының жаппай өшуіне шағымданды, деп хабарлайды Ulysmedia.kz.
Медеу ауданының тұрғындары түстен кейін электр қуатының өшірілгенін айтты. Бастапқыда жарық шамамен бір сағат жоқ болған. Кейіннен электр қуаты қалпына келтірілді, бірақ біраз уақыттан кейін қайтадан өшірілді. Қазір кейбір абоненттерде жарық бар, ал басқаларында жоқ.
МӘЛІМЕТТЕР
Кезекші диспетчердің хабарламасына сәйкес, Медеу ауданының бірнеше бөлігінде жарық өшірілгені байқалуда. Керей Жәнібек хандар - Луганский көшелері аймағында 250 жеке тұрғын жарықсыз қалды.
Қонаев - Қайырбеков - Қабанбай батыр - Қазыбек би көшелерінің аймағында 2330-дан астам жеке тұлға, тағы 190 заңды тұлға жарықсыз қалды.
Бегалин - Бекхожин - Валиханов - Сәтбаев көшелерінің аймағында 712 жеке тұлға және 45 заңды тұлға жарықсыз қалды. Сонымен қатар, су және жылумен қамтамасыз ету нысандары да жарықсыз қалды.
Себеп анықталып жатыр. Алдын ала мәліметтер бойынша, оған жер астындағы кабельдің үзілуі себеп болған.