Қырғыз Республикасынан Париж Олимпиадасына барған боксшы Мұнарбек Сейітбекұлы болгариялық спортшыны жеңіп, финалға жолдама алды, деп хабарлайды Ulysmedia.kz.
Мұнарбек Сейітбекұлының финалға шығуының өзін қырғыз халқы үшін тарихи жеңіс деуге болады. Себебі Қырғызстан тарихында бокстан алтын немесе күміс медаль алмақ түгілі қола медаль алған боксшы жоқ.
Мұнарбек Сейітбекұлы ақтық бәсекеде өзбекстандық Абдумалик Халоковпен алтын медальге таласады.
Қазақстан ұлттық құрамасы бұл ойындарды бір күміс (Нұрбек Оралбай) және бір қола (Назым Қызайбай) медальмен аяқтады.
Мұнарбек 57 келіге дейінгі салмақ дәрежесінде өнер көрсетеді.
Қырғыз боксшысы финалдың 1/8 кезеңінен бастап, 1 тамызға қараған түні кубалық Сайдель Хортаны ширек финалда жеңген.
4 тамызға қараған түні Сейітбек уулу АҚШ-тың әлем чемпионы Джамал Харвиге қарсы айқасып, тағы да жеңіске жетті.
9 тамызға қараған түні ол өзінің жартылай финалдық жекпе-жегін өткізді. Қырғызстандықтың қарсыласы Болгариядан келген Хавьер Ибанес Диас болды.
Үш раундтың қорытындысы бойынша Мұнарбекке жеңіске жетті.