Халықаралық бокс қауымдастығы (IBA) Қазақстанда ерлер арасындағы әлем чемпионатының өтетінін ресми мәлімдеді, деп хабарлайды Ulysmedia.kz.
Турнир 2025 жылдың мамыр айында Астанада өтеді. Алғашында Қазақстан бокс федерациясы әйелдер арасындағы әлем чемпионатын өткізуге өтініш білдіргенімен, кейін ерлер арасындағы жарысты өткізуді сұра,ан, ал IBA келісіп отыр. Әйелдер арасындағы әлем чемпионатына келетін болсақ, келесі жылы ол Белградта (Сербия) өтеді.
«Қабылдайтын елді таңдау біздің бокс спортын бүкіл әлемде дамытуға деген ұмтылысты көрсетеді. Екі ел де бокстың бай дәстүрлеріне ие және әлемдік деңгейдегі жарыстарды, сондай-ақ әсерлі спорттық нәтижелерді өткізуге жақсы дайындалған. «Біз осы беделді IBA турнирлерінде әлемнің түкпір-түкпірінен үздік спортшыларды күтеміз», - деді IBA президенті Умар Кремлев.