Бұл туралы Жеке сот орындаушыларының Республикалық палатасында айтылды, деп хабарлайды Ulysmedia.kz.
Алимент төлеуден қашып жүрген борышкерлерді табу үшін жасанды интеллект элементтері бар бетті тану жүйесі пайдаланылады.
Тамыз айында Қазақстанның кейбір қалаларында бейнебақылау камералары прокурорлар қосқан жаңа IT-әзірлемемен жарақтандырылды. Жүйе бетті автоматты түрде тану үшін жасанды интеллект технологиясын қолданады, бұл қашқын қылмыскерлерді ұстауға көмектеседі. ТЖК Республикалық палатасында бұл технологияны алимент бойынша борышкерлерді іздестіру үшін де қолдану ұсынылды.
Қазақстанда алимент бойынша борышкерлерді тұлғаны тану жүйесі арқылы іздейтін болады
"Жасанды интеллект пен озық технологияларды пайдалану сот актілерін орындау тиімділігін арттырудағы маңызды қадам болып табылады", – деп атап өтті палатада.
Жаңа технологияларды борышкерлерді іздеуге қолдану мәселесі Бас прокуратура департаментінің директоры Ілияс Испановпен кездесуде талқыланды.