Түркі елдерінің ортақ әліпбиі бекітілді, деп хабарлайды Ulysmedia.kz.
Түркі мемлекеттері ұйымының жанынан құрылған Түркі әлемі ортақ әліпби комиссиясы 34 әріптен тұратын ортақ түркі әліпбиін бекіту туралы шешім қабылдаған.
Бас кеңсесі Астанада орналасқан Халықаралық Түркі академиясы 9-11 қыркүйекте Әзербайжан астанасы Бакуде Түркі әлемі ортақ әліпби комиссиясының 3-отырысы өткенін мәлімдеді.
Оқи отырыңыз: Латын әліпбиіне көшу неліктен кешіктіріліп жатқаны белгілі болды
Отырыстың басты мақсаты – осы салада жиналған ақпараттар мен комиссияның 2 жылдық жұмыс тәжірибесін пайдалана отырып, түркі тілдеріне ортақ әліпби жобасы бойынша жұмысты пысықтау болды. Осы жұмыстардың нәтижесінде 34 әріптен тұратын ортақ түркі әліпбиі туралы ұсыныс бойынша келісімге қол жеткізілді, – делінген хабарламада.
Еске салсақ, түркі елдерінің ортақ әліпби жасау идеясын Түркия Президенті Ердоған ұсынған еді.
Тағы оқыңыз: Ортақ әліпби: Түркі әлемінің ертеңгі ісі ме, әлде ертегісі ме