Қарағандыда көшеге тасталған нәресте тексерістен соң анасына қайтарылды, деп хабарлайды Ulysmedia.kz.
НЕ БОЛДЫ
Ekaraganda.kz сайтының мәліметінше, 24 ақпан кешке тұрғын үйдің кіреберісінен жаңа туған сәби табылды. Баланы ата-анасы дәл кіре берісте конверт жазып қалдырып кеткен.
Сәбиді үйіне қайтып келе жатқан тұрғын тауып алды. Келесі күні полицейлер бұл әрекетті жасаған баланың ата-анасын тапты. Олар 22 жастағы бойжеткен мен 29 жастағы қарағандылық болып шықты. Кейін белгілі болғандай, ер адам үйленген екен, ал 22 жастағы қызбен қарым-қатынаста болған, салдарынан қыз жүкті болып, бала босанған.
Баланың әкесі өз отбасынан кеткісі келмей, сәбиді тастап кетуді шешкен.
ПОЛИЦИЯ НЕ ДЕЙДІ
Қарағанды облыстық Полиция департаменті "Өміріне немесе денсаулығына қауіпті жағдайда өзін-өзі қорғай алмайтын адамды қасақана көмексіз қалдыру" бабы бойынша тергеу жүргізді. Жақында қылмыстық іс жабылып, бала анасына қайтарылғаны белгілі болды. Мұны Қарағанды облысының Денсаулық сақтау басқармасы мен полицейлер де растады.
Аталған факті бойынша сотқа дейінгі тергеп-тексеру жүргізіліп, прокурордың қаулысымен оны тоқтату туралы қаулы шығарылды. Баланы қайтару мәселесі полицияның құзыретіне жатпайды, бұл шешімді қорғаншылық және қамқоршылық органдары қабылдады, – деді полиция.
СӘБИДІҢ АТА-АНАСЫ НЕГЕ ЖАЗАЛАНБАДЫ
Баланың анасы да, әкесі де ешқандай жаза алмаған. Мұндай шешімге олардың шын жүректен өкінуі, сәбидің ешқандай жарақат алмағаны себеп болған көрінеді.
Айта кетейік, Солтүстік Қазақстанда әйел гаражда босанып, сәбиін тастап кеткен еді.