"Хелен" дауылынан қаза тапқандар саны 200-ден асты. Құтқарушылар қыркүйек айының соңында АҚШ-тың оңтүстік-шығысында болған табиғи апаттан аман қалған кісілерді әлі іздеп жатыр, деп хабарлайды Ulysmedia.kz порталы ВВС-ге сілтеме жасап.
Дауылдан ажалы келгендердің жартысынан көбі Солтүстік Каролинада тұрған. Онда 2005 жылы "Катрина" дауылы кезінде 1800-ден астам адам опат болған.
Құтқарушылар жүздеген адамды әлі күнге дейін іздеп жатыр. 750 мыңнан астам үй электр қуатынсыз қалған, жолдар жабылып жатыр. Бұл зардап шеккен аудандарға көмек жіберуге кедергі келтіреді.
Екі күнде зардап шеккен аудандарға сапар шеккен АҚШ президенті Джо Байден бейсенбіде Флорида мен Джорджия штаттарына барды.
REUTERS
– Мен сіздермен бірге қайғырамын, біз сіздерді қолдаймыз деп уәде беремін, – деді ол Джорджиядағы Рэй-Ситидегі жергілікті тұрғындарға.
АҚШ президенті бұған дейін Флорида, Джорджия, Солтүстік және Оңтүстік Каролина, сондай-ақ Вирджиниядағы табиғи апаттардан зардап шеккендерге қаржылық көмек бөлуді мақұлдаған болатын. Соңғы екі күнде зардап шеккен аудандарға сапар шеккен АҚШ президенті Джо Байден бейсенбіде Флорида мен Джорджия штаттарына барған.
Аптаның басында Джорджияның зардап шеккен аудандарына бұрынғы президент Дональд Трамп, ал сәрсенбіде вице-президент Камала Харрис барған.
Алдағы күндері Флоридада жауын-шашын көбірек жауады деп күтіліп отыр. Бұл шамамен 100 миллиард долларға бағаланған қалпына келтіру жұмыстарын қиындатуы мүмкін.
АҚШ ішкі қауіпсіздік департаментінің басшысы Алехандро Майоркас бұған дейін егер АҚШ-та алдағы айларда тағы бір дауыл болса, федералды билік көмек көрсетуде қиындықтарға тап болатынын ескерткен.
Оның айтуынша, Байден әкімшілігі аймаққа 8,8 миллионнан астам адамға жетерлік тамақ, 7,4 миллион литр су, 150 генератор және 225 мың шатыр жіберген.
Атлант мұхитындағы дауыл маусымы қараша айының соңына дейін жалғасады. Қазір аймаққа тағы екі дауыл келе жатыр. Ғалымдар соңғы уақыттағы жиі және қарқынды табиғи апаттарды планетадағы климаттың өзгеруімен байланыстырады.