2024 жылдың алғашқы алты айында Ресейде қылмыстық істер бойынша сотталған әскери қызметкерлердің саны бақылау жүргізіле бастағаннан бері, яғни 2011 жылдан бері ең жоғары көрсеткішке жетті, деп хабарлайды Ulysmedia.kz DW агенттігіне сілтеме жасап.
6088 ҚЫЗМЕТКЕРГЕ ҮКІМ ШЫҚҚАН
"Верстка" басылымы Сот департаментінің деректеріне сүйене отырып хабарлағандай, биылғы жылдың бірінші жартыжылдығында ресейлік гарнизондық әскери соттар қылмыстық істер бойынша 6088 әскери қызметкерге үкім шығарған.
11 ЖЫЛДАҒЫ ЖОҒАРЫ КӨРСЕТКІШ
11 жылдағы ең көп сотталғандар 2023 жылы тіркелген болатын, ал 2012 жылдың бірінші жартыжылдығында бұл сан 2789-ға жеткен еді.
2024 жылдың бірінші жартыжылдығында нақты мерзімдер алғандардың саны да рекордтық деңгейге жетті – 2908 адам, яғни сотталған әскери қызметкерлердің жартысына жуығы, деп атап өтті "Верстка". Бұл 2023 жылдың алғашқы алты айымен салыстырғанда 3,5 есе көп және өткен жылдың бүкіл дерегімен (3021 әскери) шамалас.
ӨЗ ЕРКІМЕН ТАСТАП ҚАШҚАНДАР
2023 жылдың соңында "Медиазона" Ресей әскери соттарына 2022 жылдың қыркүйек айында мобилизация басталғаннан кейін әскери бөлімді өз еркімен тастап кету туралы 4121 қылмыстық іс түскенін хабарлады. Олардың көпшілігі шартты жазаға кесілген – сол кезде 3470 іс бойынша сот шешімдері шығарылған еді.