Белгілі әнші Димаш Құдайберген Алматыдағы АТР 250 сериялы теннис турнирінің ашылу салтанатында сөз сөйлеп, ән шырқады, деп хабарлайды Ulysmedia.kz.
Ол «When I ‘ve Got You», «Weekend» хиттерін әуелетіп, «Ризамын тағдырға» әнін орындаған.
Алайда оның оң қолын ақ дәкемен байлап алғанына қарап жанкүйерлері алаңдап қалды.
Димаш алған жарақаты туралы ештеңе айтпаған, сондай-ақ әлеуметтік желілерінде де бұл туралы түсініктеме бермеген.
Әншінің жанкүйерлері оның тезірек сауығып кетуіне тілектестік білдіріп жатыр.