Абай облысында жол апаты салдарынан полиция қызметкері қайтыс болды, деп хабарлайды Ulysmedia.kz.
ЖОЛ АПАТЫ СЕБЕП
Абай облысының полиция департаменті бұл қайғылы оқиғаны растады.
«Омбы – Майқапшағай тас жолында үш көліктің қатысуымен жол-көлік оқиғасы болды. Көліктердің соқтығысуы салдарынан үш адам қаза тапты, оның ішінде Семей қаласының полициясының аға сержанты Асхат Ахатов та бар», – деп хабарлады Абай облысы полиция департаментінің баспасөз қызметі.
Қазіргі таңда сотқа дейінгі тергеу жүргізілуде, қайғылы оқиғаның барлық мән-жайы анықталып жатыр..
«Полиция департаменті қаза тапқандардың туыстары мен жақындарына көңіл айтады», – деп мәлімдеді ведомство.
ҚЫЗ БАЛАНЫ ҚҰТҚАРҒАН ЕДІ
Қайтыс болған полиция қызметкері биыл наурыз айында қыз баланы құтқарып қалған еді. Қыз баланы аңдыған күдіктіні байлаған Асхат Ахатов онымен жекпе-жекке шығып өзі басынан үш пышақ жарақатын алып бірақ қызды құтқарып қалған.