«ҚазАвтоЖол» АҚ республикалық автожолдардағы ауа райы туралы мәліметті бөлісіп, жүргізушілерге ескерту жасады, деп хабарлайды Ulysmedia.kz.
24 қазанда Алматы, Ақмола, Ақтөбе, Жетісу, Павлодар, СҚО, Қарағанды, Қызылорда және Қостанай облыстарының кей жерлерінде жаңбыр жауады. Ал Абай және Шығыс Қазақстан облысының кей жерлерінде қар аралас жаңбыр жаууы мүмкін. Сол себепті жүргізушілерге қауіпсіздік ережелерін қатаң сақтап, жолдардағы ауа райының қолайсыздығын ескерулеріңізді сұраймыз, – делінген Ұлттық оператор таратқан хабарламада.