Экология және табиғи ресурстар министрлігі Маңғыстаудағы итбалықтардың жаппай қырылу себептерін әлі атай алмады. Ведомство дененің қатты ыдырауына байланысты жағдайды бағамдау қиын екенін жеткізлді, деп хабарлайды Ulysmedia.kz
МӘН-ЖАЙЫ
Ulysmedia тілшісі вице-министр Жомарт Әлиевтен бейінді экологиялық ведомство қандай әрекет жасап жатқанын сұрады, өйткені ихтиологтардың айтуынша, итбалықтар Солтүстік Каспийге келгеннен кейін ықтималды ластануыдан жаппай қырылып жатыр.
ЭКОЛОГИЯ МИНИСТРЛІГІ НЕ ДЕЙДІ
Әлиев итбалықтардың жағдайы "үнемі бақылауда"екенін айтты. Оның айтуынша, бұл мәселе бойынша облыстық комиссия құрылған, оның құрамына түрлі мамандар кірген.
"Бүгінгі таңда Маңғыстау облысы зертханалық бақылау қызметкерлері судың сынамаларын алды. Бұл комиссияға тікелей ветеринарлық инспекция, балық ресурстары комитеттерінің өкілдері енген. Яғни, мәселе жан-жақты зерделенеді. Іріктелген сынамалардың нәтижелері бойынша су ресурстары сапасының жай-күйі айтылған кезде қорытынды жасауға болады. Біз қазір зертханалық зерттеулерді күтіп отырмыз", – деді ол.
ӘЗІРГЕ НҰСҚА ЖОҚ
Вице-министрден итбалықтардың жаппай қырылуының кем дегенде алдын ала нұсқаларын атауды сұрады, бірақ шенеунік өліктердің көп бөлігі ыдыраудың соңғы кезеңдерінде табылғанын айтты.
"Алдын ала бірдеңе деу қиын. Кейбір итбалықтар адами фактордан өлген деген нұсқалар бар. Бірақ ұшаның өте көп бөлігі қатты ыдыраған. Сондықтан комиссия жұмысына өз бағыты бойынша зерттеулер жүргізіп, түпкілікті нәтиже беруі тиіс барлық мамандар кешенді қатысады", – дейді ол.
Бұған дейін Маңғыстау жағалауында өлі табылған итбалықтардың саны қарқынды өсіп, 289-ға жеткенін хабарланған.
Гидробиология және экология институтының ғылыми қызметкері, ихтиолог Әсел Баймұқанованың айтуынша, әсіресе Солтүстік Каспийге келгеннен кейін итбалықтарға бір нәрсе болып жатыр.
"Арқанмен тұншықтырудан, балық торы салған дене жарақатымен зорлықпен өлтірілген итбалықтар да бар. Бірақ сондай белгілері жоқ, себептері белгісіз көптеген итбалықтар да бар. Ұрғашыларының көпшілігі құрсақтағы төлдерімен табылған. Олар неге өлді? Әзірге бірдеңе деу қиын. Солтүстік Каспийге келгенге дейін олар сау болды, өйткені төл дамыта алды, бірақ одан кейін бірдеңе болып, өліп қалады," – деп жазды ол.