АҚШ-та 50 миллионнан астам азамат президент сайлауында мерзімінен бұрын дауыс берді, деп хабарлайды Ulysmedia.kz.
Бұл туралы Флорида университетінің мәліметтері көрсетіп отыр.
Дауыс бергендердің шамамен 39%-ы демократтар, 36%-ы республикашылдар ретінде тіркелген. Жалпы мерзімінен бұрын дауыс бергендердің 41%-ы 65 жастан асқан сайлаушылар.
АҚШ-тың халқы көп штаттарында қолжетімді мерзімінен бұрын дауыс беру процесі азаматтарға ертерек өз таңдауын жасауға мүмкіндік береді және сайлау күнінде учаскелердегі жүктемені азайтады.
Emerson College деректеріне сәйкес, республикашыл Дональд Трамп пен демократ Камала Харристің мүмкіндіктері шамалас: әрқайсысын сайлаушылардың 49%-ы қолдайды.
БҰҒАН ДЕЙІН
АҚШ Демократиялық партиясынан президенттікке ұсынылған үміткер Камала Харрис интеллектуалдық қабілеттерін тексеруге дайын екенін айтқан.
Ол осылайша республикашыл Дональд Трамптың оның «IQ-ы өте төмен» деген сөзіне жауап берді.
Сонымен қатар, ол Трампты да тестілеуге шақырып, оны «тұрақсыз» деп атады.
АҚШ президенті Джо Байден АҚШ-тағы президент сайлауына мерзімінен бұрын дауыс бергенін жазған едік.
Шетелдік БАҚ мәліметінше, ол дауыс беру алдында шамамен 40 минут кезекте тұрған. “CBC News” мәліметі бойынша, Байден Уилмингтон қаласының маңында, Делавэр штатында дауыс берген. Ол демалыс күндерін осы қалада өткізіп, кейін Ақ үйге оралған.