Ашық далада аң аулап жүрген қарағандылықтар Владимир Лениннің ескерткішіне кезікті, деп хабарлайды Ulysmedia.kz. Бұл туралы әлеуметтік желіде видео пайда болды.
Әлеуметтік желіде тараған видео Қарағанды облысында түсірілген. Айдалада аң аулап жүргендер ескерткішті адам деп қалған. Жанына барғанда ғана ескерткіш екенін білген.
- Мұндайды Қазақстаннан ғана көресің, – дейді видеоны түсірген Равиль атты азамат.
Ал видеоға пікір жазғандардың біразы тарихқа бұлай қарауға болмайтынын айтып, реніштерін білдірсе, кейбірі кеңестік кезеңнің идеологиясы қажет емес деген ойларын жеткізген.