«Қазгидромет» РМК Қазақстанның алты қаласында қолайсыз метеорологиялық жағдай болжанатынын ескертті, деп хабарлайды Ulysmedia.kz.
2024 жылғы 1 желтоқсанда Астана, Ақтөбе, Өскемен, Семей, Қостанай, Павлодар қалаларында ауаның ластануының қолайсыз метеорологиялық жағдайлары күтіліп отыр”, деп хабарлады “Қазгидромет”.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.