94 тонналық вагонды сүйреген Атырау облысы Құрманғазы ауданының тұрғыны Ерсейіт Бралин рекорд орнатты, деп хабарлайды Ulysmedia.kz.
Енді ол алдағы уақытта 120 тонна тартатын 5 вагондық пойызды сүйреп, Қазақстан рекордын жаңартуды көздеп отыр.
Оның вагонды сүйреген видеосы әлеуметтік желіде жарияланды.
Ерсейіт Бралин бұған дейін пауэрлифтингтен әлем чемпионы, Азияның қола жүлдегері, сонымен қатар Батыс Қазақстанда өткен «Толағай алыптары» жарысының чемпионы атанған. Қазіргі таңда пауэрлифтинг және грепплингтен спорт шебері.
"Мен ауыр салмақ көтерумен бұрыннан айналысып келемін. Алдағы уақытта шәкірт тәрбиелеп, осы салада чемпиондар шығарғым келеді. Қазір Атырау қаласындағы «Санаторий» фитнес орталығында жаттығып, жарыстарға қатысып жүрмін. Жаттықтырушым Александр Литвиновке алғысым шексіз", - дейді Е.Бралин.