Қазақстандық танымал Ninety one тобының әншісі Азамат Ашмақын "Қызық Times" бағдарламасында берген сұқбатында топ неліктен сахнадан көрінбей кеткенін айтты, деп хабарлайды Ulysmedia.kz.
«ДЕМАЛЫС АЛДЫҚ»
Осыдан бірнеше уақыт бұрын әркім өз қалағанымен айналысады деп демалыс алған болатынбыз. Творчествоға оралар алдында жаңа бір күш жинап алайық деп өзімізге демалыс бергенбіз. Бізде қазір Дулат пен Батыр балалы болды. Дулаттың қызы, Батырдың ұлы бар, – деді ол.
Әншінің сөзіне қарағанда, ол өзінің жеке шығармашылығына көңіл бөле бастаған. Ал Ninety one тобы сахнаға қашан оралатыны нақты белгісіз.
АҚШ АЗАМАТЫ ТОП ӘНДЕРІ АРҚЫЛЫ ҚАЗАҚША ҮЙРЕНГЕН
Еске салсақ, бұған дейін АҚШ азаматы Ninety One әндері арқылы қазақ тілін үйреніп алғанын жазған болатынбыз.
Мен Ninety One тобын бірнеше жыл бұрын қазақ тілін енді ғана үйрене бастаған кезде тыңдай бастадым. Мен орыс тілін білмегендіктен, қазақ тілін үйренуге арналған ресурстарды табу қиынға түсті. Сол үшін мен бұл топ туралы көбірек білген уақытта өте қуанышты болдым, - деген еді Эван Аллен.