АҚШ-тың жаңадан сайланған президенті Дональд Трамп өзінің инаугурациясын далада емес, Капитолий ғимаратында өткізуге шешім қабылдады, деп хабарлайды Ulysmedia.kz voa.com сайтына сілтеме жасап.
МӘН-ЖАЙЫ
Трамп Вашингтондағы ауа райы жағдайына байланысты осындай шешім қабылдағанын айтты. Ол өз жақтастарын үсіп қалу қаупіне ұшыратқысы келмейтінін жеткізді.
«Ауа райы болжамына сәйкес, желдің салқындау индексін ескере отырып, Вашингтондағы температура рекордтық төменгі деңгейге жетуі мүмкін», - деп жазады Трамп. «Мен ешкімнің зардап шеккенін немесе қандай да бір жолмен зақымдалғанын қаламаймын», - деп жазды ол.
КЕРЕК ДЕРЕК
Метеорологтардың болжамы бойынша, Трамп инаугурация күні (19 қаңтар) Вашингтондағы термометр Цельсий бойынша -11 градусқа дейін төмендеуі мүмкін.
Айта кетейік, инаугурациясы жабық жерде өткен АҚШ-тың соңғы президенті Рональд Рейган болатын. 1985 жылы оның ұлықтау рәсімі де ауа райына байланысты кейінге шегерілген еді.