Бұл туралы “Диапазон” жазды.
Ақтөбеде өткен мәслихаттың 25-ші сессиясында көше атауларын өзгерту мәселесі қаралды. Депутаттардың қарауына «идеологиялық тұрғыдан ескірген, маңызы аз атауларға» ие көшелер мен тұрғын үй алабын қайта атау мәселесі ұсынылған.
ҰСЫНЫС
Ұсынылған өзгерістер:
- Кирпичная көшесі – аңызға айналған әнші Роза Бағланованың құрметіне;
- Октябрьская көшесі – жазушы Сафуан Шәймерденовтің құрметіне;
- Нахимов көшесі – Алтын Орда мен Түмен хандығының билеушісі болған Тоқтамыс ханның құрметіне;
- Станционная көшесі – ақын және жазушы Сырбай Мәуленовтің құрметіне;
- Местпром тұйығы – ақын және жазушы Әбу Сәрсенбаевтың құрметіне.
Сондай-ақ, келесі атауларды өзгерту ұсынылды:
- Белогорка тұрғын үй алабы - Құндызды
- Новаторов көшесі - Манартау
- Вагонная көшесі - Байғазы
- Комсомольская көшесі - Ақтерек
- Лачугина көшесі - Сарыкөл
- Энергетиктер шағын ауданы - Қазығұрт
- Архитектурная көшесі - Сандықтас
- Садовая көшесі - Айнабұлақ
- Цветочная көшесі - Ырысты
- Кандагачская көшесі - Зеренді
- Можайская көшесі - Сарыбұлақ
- Бакинский көшесі - Қағанат
Барлығы Астана мен Алматы аудандарында 20 көшені қайта атау ұсынылды. Мәслихаттың тиісті шешімі республикалық ономастикалық комиссияға жіберіледі.