Наурыз айында танымал WhatsApp мессенджері көптеген ескі смартфон модельдерінде жұмыс істеуін тоқтатады. Қосымша жасаушылары бұл мәселеге тап болатын құрылғылардың тізімін жариялады, деп хабарлайды Ulysmedia.kz.
WHATSAPP КӨПТЕГЕН СМАРТФОН МОДЕЛЬДЕРІНДЕ ЖҰМЫС ІСТЕМЕЙДІ
Жасаушылардың айтуынша, мұндай өзгерістер жаңа функциялар мен жаңартулардың ескі операциялық жүйелерде жұмыс істей алмайтындығымен байланысты. Қолдауы тоқтайтын құрылғылар тізімінде Apple компаниясының iPhone 6 және iPhone 6 Plus сияқты бірнеше ескі моделі бар.
«WhatsApp ерте нұсқадағы iOS жүйесі бар модельдерде жұмыс істемейді. Бұл құрылғылар шамамен 5 мамырдан бастап мессенджерді қолдауды тоқтатады. Қазіргі уақытта қосымша iOS 12 немесе одан жоғары нұсқаларда жұмыс істейді. Сонымен қатар, WhatsApp iOS 15.1-ден төмен нұсқаларда да қызметін тоқтатады», – деп мәлімдеді Meta компаниясы.
10 НАУРЫЗДАН БАСТАП ҚАЙ СМАРТФОНДАРДА WHATSAPP ЖҰМЫС ІСТЕМЕЙДІ?
Бұл өзгерістер Android 4.4 KitKat және одан ескі нұсқадағы операциялық жүйеде жұмыс істейтін смартфондарға қатысты. Атап айтқанда, WhatsApp келесі құрылғыларда істен шығады:
Samsung Galaxy S3;
Samsung Galaxy Note 2;
Motorola Moto G;
HTC One X;
LG Optimus G;
Nexus 4;
Sony Xperia.
АҚПАРАТТЫ САҚТАУ ҮШІН НЕ ІСТЕУ ҚАЖЕТ?
Қосымшадағы ақпаратты сақтап қалу үшін алдын ала деректердің резервтік көшірмесін жасап, оларды жаңа құрылғыға көшіру қажет.