АҚШ президенті Дональд Трамп Конгресте мәлімдеме жасап, Украинадағы соғысқа қатысты пікір білдірді, деп хабарлайды Ulysmedia.kz.
ЗЕЛЕНСКИЙДІҢ ХАТЫ
Трамп Владимир Зеленскийден бейбіт келісім жасауға дайын екені туралы хат алғанын растады.
- Бүгін Украина президенті Владимир Зеленскийден маңызды хат алдым. Хатта: “Украина келісімге келіп, бейбітшілік орнатуға дайын. Украиналықтар мұны асыға күтіп отыр” деп жазылған, дейді Трамп.
Оның сөзінше, Зеленский пайдалы қазбаларды өндіру туралы келісімге «кез келген уақытта» қол қоюға дайын.
- Әлі бес жылдай соғыс жүргенін қалап отырсыздар. АҚШ Украинаны қолдауға Еуропадан көп күш жұмсады. Өкінішке қарай, Еуропа Украинаны қолдаудан гөрі ресейлік мұнай мен газды сатып алуға көп ақша жұмсады. Осы жайлы ойланыңыздар, дейді Трамп.
ЗЕЛЕНСКИЙ
Күні кеше Украина президенті Владимир Зеленский өз елінің бейбітшілікке деген ұмтылысын тағы да растаған болатын.
«Ешқайсымыз шексіз соғысты қаламаймыз. Украина мүмкіндігінше тезірек келіссөздер үстеліне отыруға дайын, бұл тұрақты бейбітшілікке жақындатады», — деп мәлімдеді ол.
Зеленскийдің айтуынша, украин халқы бейбітшілікті бәрінен де қатты қалайды. Президенттің командасы АҚШ-тың бұрынғы президенті Дональд Трамптың күшті басшылығымен жұмыс істеуге әзір екенін білдірді.
«Менің командам және мен ұзақ мерзімді бейбітшілікке жету үшін президент Трамптың басшылығымен жұмыс істеуге дайынбыз», — деді Зеленский.
СОҒЫСТЫ ТОҚТАТУҒА БАҒЫТТАЛҒАН БАСТАПҚЫ ҚАДАМДАР
Зеленский соғысты тез аяқтауға дайын екенін айтты. Алғашқы қадамдар ретінде тұтқындарды босату және әуе кеңістігінде бітім орнату ұсынылды.