"Ақбұлақ" тау-шаңғы курортында қар көшкіні тіркелді, деп хабарлайды Ulysmedia.kz.
Бүгін 15:50-де СОК "Ақбұлақ" тау-шаңғы курортында, 2664 метр биіктікте, көлемі 300 м³ болатын қар көшкіні өздігінен жүрді. Көшкін сайға түсті.
Құрбандар мен зардап шеккендер жоқ, сондай-ақ қирау фактілері тіркелмеген.
Оқиға орнына «Қазселденқорғау» мемлекеттік мекемесінен, Алматы облысы ТЖД және курорт әкімшілігінен 5 маман мен 3 техника бірлігі жұмылдырылды, – деп хабарлады өңірлік ТЖД.
Мамандар курорт маңындағы қар жамылғысына тұрақты мониторинг жүргізуде.
Айта кетейік, бүгін қар көшкіні Шымбұлақ тау-шаңғы курортында да орын алды. Оқиғаға туристер кінәлі деп танылды.