Павлодарда мектеп оқушысының сыныптасын соққыға жыққан. Полиция бұл дерекке қатысты пікір білдірді, деп хабарлайды Ulysmedia.kz.
ОҚИҒА ТУРАЛЫ
Павлодардағы №16 мектеп оқушылары төбелес шығарған. Видеода бір оқушы екінші қызды төпелеп жатқаны көрсетіледі.
ПОЛИЦИЯ НЕ ДЕЙДІ
Бұл дерек бойынша полиция тексеру жүргізді. Жанжалдың барлық қатысушылары анықталып, полиция бөліміне жеткізілді.
- Заңды өкіл бала тәрбиесі жөніндегі міндеттерді тиісінше орындамағаны үшін жауапқа тартылды. Сондай-ақ, кәмелетке толмағандардың істері жөніндегі комиссияға кәмелетке толмағандарды "ШҚО Серебрянск қаласында девиантты мінез-құлқы бар балаларға арналған арнайы мектеп-интернатқа" жіберу туралы мәселе шығарылды, дейді облыстық ПД өкілдері.
Жасөспірімдер оқытылатын жалпы білім беретін мектептің әкімшілігіне құқық бұзушылық жасауға ықпал еткен себептер мен жағдайларды жою жөнінде ұсыныс жіберілген.