Алматы облысының оқушысы ҰБТ-да 140 балл жинады

Сымбат Сатыбалдина

Алматы облысының оқушысы Ұлттық бірыңғай тестілеуден 140 балл жинады, деп хабарлайды Ulysmedia.kz.

Алматы облысының әкімдігінен

ОҚУШЫ ТУРЛАЛЫ

Алматы облысы, Еңбекшіқазақ ауданы, “Толқын орта мектебі” коммуналдық-мемлекеттік мекемесінің 2024-2025 оқу жылының түлегі Қуандық Санжар Ғалымжанұлы “Наурыз” ҰБТ-да ең жоғары 140/140 балл жинап, үздік нәтижеге қол жеткізді.

ӘКІМ НЕ ДЕЙДІ

- Бұл – үлкен еңбектің, талмай ізденістің және сапалы білімнің жемісі. Санжардың жетістігі – ұстаздары мен ата-анасының қолдауының, жүйелі дайындықтың айқын көрінісі. Осы орайда, білімге деген ұмтылысы мен табандылығы үшін Қуандық Санжар Ғалымжанұлын шын жүректен құттықтаймыз! Алдағы оқуында да сәттілік серік болып, болашақта ел дамуына өз үлесін қосатынына сеніміміз мол, деді облыс әкімі Марат Сұлтанғазиев.

“Толқын орта мектебінің” ұжымы мен түлектің ата-аналары да бұл жетістікке ерекше қуанып, шәкірттерінің биік белестерді бағындыра беруіне тілектестік білдірді.

НАУРЫЗДАҒЫ ҰБТ

Еске салайық, наурыз айындағы ұлттық бірыңғай тестілеуінде 121 баланың нәтижесі жойылған болатын. 

Наурыз айындағы ҰБТ басталғалы бері 88 мыңға жуық адам тест тапсырды.

Оның ішінде:

  • талапкерлердің 72%-ға жуығы шекті балл жинады;
  • орташа балл – 65 балл (бес пән бойынша);
  • ең жоғары балл – 139 балл;
  • ерекше білім беру қажеттілігі бар 232 талапкер қатысты.