АҚШ сенатының 50 мүшесінен тұратын топ жаңа заң жобасын ұсынды. Жоба Ресей Украинадағы бейбіт келіссөздерден бас тартса, оған жаңа санкциялар енгізуді қарастырады, деп хабарлайды Ulysmedia.kz.
Бұл санкциялар Ресей Украинамен тұрақты бейбіт келіссөздер жүргізуден бас тартса немесе басқа да шаралар, соның ішінде әскери агрессия жасаса енгізілмек.
«Заң жобасы сондай-ақ Ресейдің мұнай, газ, уран және басқа да өнімдерін сатып алатын елдерден импортталатын тауарларға 500% тариф белгілеуді қарастырады», – делінген мәлімдемеде.
АҚШ сенатында Ресейдің агрессор және Путиннің осы сұмдық соғысын тоқтату керек деген пікір басым, деп жазады DW.
2025 жылы президент Трамп пен оның командасы әлемнің бұрын қол жеткізе алмаған нәрсесін жүзеге асырады деп үміттенеміз: Ресейдің Украинаға қарсы агрессиясын түбегейлі тоқтатып, еркін әрі демократиялық Украина үшін болашаққа кепілдік береді», – деп түйіндеді сенаторлар.
Бұған дейін Украина АҚШ-пен жаңа минералды ресурстар келісімі туралы келіссөздер жүргізіп жатқаны туралы хабарланған болатын.