Депутаты Ринат Зайытов театр, кітапхана, музей ескілді нысандарды жасы келген адамдар күзетіп отырғанына наразылық білдірді, деп хабарлайды Ulysmedia.kz.
ДЕПУТАТ НЕ ДЕЙДІ
Депутат Ресейдегі Крокус сити холдағы жағдай, Бесландағы оқиғаларды мысалға келтірді.
- Жалпы мектеп, аурухана, театр террористер үшін қолайлы жерлер. Министрдің орынбасары әр субъект өзінше талап қоя алады деп отыр. Театрға, кітапханаға, музейге барсаңыз күзетте 60-қа тақап қалған апалар немесе 70-ке тақап қалған аталар отыр. Олардың өзіне күзетші керек қой. Сіздер күлесіздер. Бірақ ертең бір театрға террористер басып кірмесіне қайсыңыз кепілдік бересіздер? Ешкім бере алмайды. Ең болмаса күзетшілерге ортақ талап қоюға болмай ма? Тым болмаса күзет қызметіне 30-дан асқан әйелдерді алуға болмайды деген, дейді депутат.
«КРОКУСТЕГІ» ҚАНДЫ-ҚАСАП
2024 жылдың 22 наурызында қарулы топ Мәскеу маңындағы «Крокус Сити Холл» ғимаратына кіріп, бейбіт тұрғындарға оқ жаудырған. Кейін ғимаратты өртеп жіберген. Бұл террорлық шабуыл үшін жауапкершілікті «Вилаят Хорасан» (Қазақстанда тыйым салынған ұйым) деп аталатын ДАИШ-тың бөлімшесі мойнына алған.
24 наурызда «Крокус Сити Холлдағы» лаңкестік шабуылға қатысы бар делінген төрт күдікті тұтқындады. Олар: Далерджон Мирзоев, Саидакрам Рачабализод, Мухаммадсобир Файзов және Шамсиддин Фаридун.
25 наурызда Мәскеудегі сот қылмыстық істің тағы үш қатысушысын — ағайынды Диловар және Аминчон Исломовтарды, сондай-ақ олардың әкесі Исройлды тұтқындады.
26 наурызда 32 жастағы Қырғызстан тумасы Әлішер Қасымов 22 мамырға дейін екі ай мерзімге қамауға алынды. Ол террористік актіні орындауы мүмкін адамдардың біріне пәтер берді деген күдікке ілінді.
Кейін тағы бір күдікті ұсталды. Ресей тергеу комитетінің мәліметтері бойынша, ол «террористерді қаржыландыру схемасына қатысқан».