Павлодар қаласында банядағы жанжал салдарынан ер адам қайтыс болды, деп хабарлайды Ulysmedia.kz.
ЖАНЖАЛДЫҢ ВИДЕОСЫ ТАРАЛДЫ
Әлеуметтік желілерде бірнеше ер адамның баняға келгендерді ұрып жатқан видеосы таралуда. Зардап шеккендердің бірі басынан соққы алғаны анықталды.
ҚЫЛМЫСТЫҚ ІС ҚОЗҒАЛДЫ
Павлодар облысының полициясы бұл оқиға бойынша ауыр дене жарақатын қасақана келтіру, соның салдарынан адамның өліміне әкелу фактісі бойынша қылмыстық іс қозғалғанын хабарлады.
КҮДІКТІЛЕР ҰСТАЛДЫ
«Ізін суытпай екі күдікті ұсталып, уақытша ұстау изоляторына қамалды. Қазіргі уақытта қылмыстың барлық мән-жайы мен себептерін объективті тергеуге бағытталған қажетті тергеу әрекеттері жүргізілуде», - деп мәлімдеді полиция.
БҰҒАН ДЕЙІН
Туризм және спорт вице-министрі Серік Жарасбаев трешток жасап, бір-бірімен төбелесіп жүретін блогерлер мен актерлердің тірлігін министрлік қолдай қоймайтынын жеткізді.
Серік Жарасбаев блогерлерді жиып төбелестіретін ұйымдардың бәрі ММА федерациясына қарайтынын айтады. Сөзінше, олардың промоушендерінің саны төртеу. Осы айдың басында сол промоушендердің басшыларын жинап, министрліктің өкілдері федерация талаптарын есіне салған.