Бұл туралы сенат кулуарында қаржы мониторингі агенттігі төрағасының орынбасары Жеңіс Елемесов айтты, деп хабарлайды Ulysmedia.kz.
Перизат Қайраттың айыпталушы ретінде тергеу барысында жауап беруден бас тартуға қақы бар. Ол осы құқығын пайдаланып, жауап беруден бас тартты. Оның бірнеше рет адвокаттары ауысып отырды, қазір жаңа адвокаттары бар, – деді Жеңіс Елемесов.
Оның үстінен қозғалған істер бойынша тергеу материалдары 100 томнан асады. Жалпы шығын 3,5 млрд теңге. Перизат Қайраттың анасының үстінен заңсыз алынған мүліктерді заңдастыру бойынша іс қозғалған. Анасын қылмыстық кодекстің 190 және 218 бабы бойынша тергеп жатыр.
ПЕРИЗАТ ҚАЙРАТТЫҢ ІСІ
Волонтер Перизат Қайрат «Көмекке жиналған 1,5 млрд теңгені жымқырған» деген күдікпен ұсталып, тергеліп жатыр.
16 қараша күні Қаржы мониторингі агенттігі Перизат Қайрат Палестинаға деп ақша жинап, тағы 200 млн теңге жымқырғанын растады.
Сондай-ақ Ulysmedia.kz ресми ашық дереккөздер арқылы Перизат Қайрат басқарған Biz Birgemiz қоры жайлы мәліметтерге үңіліп көріп, қордың бірнеше құрылтайшысы барын анықтады.
Перизатпен бірге «Amanat» партиясының да аты қатар аталып, ел ішінде түсініспеушіліктер пайда болды. Осыған байланысты «Amanat» партиясының басшылығы өздерін «Biz Birgemiz» қорының құрылтайшысы саналмайтынын мәлімдеді.