Алаяқтар адамдарды алдаудың жаңа схемасын ойлап тапқан, деп хабарлайды Ulysmedia.kz.
Жалған тұлғалар мен техникалық қолдау қызметінің атын жамылу
Алаяқтар өздерін тек банк қызметкерлері ғана емес, мессенджерлердің техникалық қолдау қызметінің өкілдері ретінде де таныстыруда. Олар адамдарға “аккаунтты өшіру туралы өтініш түсті” деген мазмұндағы хабарлама жібереді.
Одан кейін “бұл әрекетті болдырмау үшін” арнайы сілтеме жіберіледі. Сол сілтеме арқылы өтіп, телефон нөмірін теріп, SMS-пен келген кодты енгізуді сұрайды.
Нәтижесінде, алаяқтар адамның жеке аккаунтына толық қол жеткізеді. Содан соң ұрланған аккаунт арқылы туыстары мен таныстарына жазып, ақша аударуды немесе жеке мәліметтерді сұрайды.
QR-код арқылы тұзақ
Жақында алаяқтар қоғамдық орындарға өздерінің QR-кодтарын жапсыруды бастаған. Бұл QR-кодтарда жоғары жалақы уәде етілген жалған жұмыс ұсыныстары жазылады.
Алайда, схема өзгермейді: адам QR-кодты сканерлеп, сайтқа өтеді, жеке деректерін енгізеді, ал алаяқтар осы арқылы жүйеге кіру мүмкіндігін иеленеді.