«Астрахан-Маңғышлақ» су құбырын қайта құру кезінде 6,4 млрд теңге жымқырылған, деп хабарлайды Ulysmedia.kz.
ТЕРГЕУ АЯҚТАЛДЫ
Бас прокуратураның арнайы прокурорлары бюджеттің атқарылуын тексеру барысында прокурорлар анықтаған «Астрахан-Маңғышлақ» су құбырын қайта құру кезінде 6,4 млрд теңге сомасына мемлекет қаражатын жымқыру фактісі жөнінде қылмыстық істі тергеп-тексеруді аяқтады.
КІМДЕР КҮДІККЕ ІЛІНДІ
«КазТрансОйл» АҚ-ның еншілес компаниясы - «Магистральдық Суағызғысы» квазимемлекеттік кәсіпорнының бұрынғы бас директоры, оның орынбасары, мердігер компанияның өкілдері және жобалау ұйымының құрылтайшысы жымқыру жасаған деп күдіктелуде.
ТӘРКІЛЕУ
Қылмыстық істі тергеп-тексеру шеңберінде күдіктілердің 1,1 млрд теңге мөлшеріндегі мүлкі анықталып, үкімнің орындалуын қамтамасыз ету мақсатында соттың санкциясымен тыйым салынған.
СОТ
Қылмыстық іс сотқа жіберіледі.