Алматы облысы Жамбыл ауданы Ұзынағаш ауылында жасөспірім кәмелетке толмаған бозбаланы бірнеше жерінен пышақтап кеткені үшін күдікке ілінді. Күдікті оқиға орнынан қашып кеткен, деп хабарлайды Ulysmedia.kz.
МӘН-ЖАЙ
Облыстық полиция департаментінің мәліметінше, қазіргі уақытта күдіктінің орналасқан жерін анықтау мақсатында іздестіру шаралары жүргізіліп жатыр.
ДӘЙЕКСӨЗ
– Аталған дерек бойынша қылмыстық іс тіркеліп, сотқа дейінгі тергеу басталды. Құқық қорғау органдары оқиғаның барлық мән-жайын жан-жақты әрі объективті анықтау үшін кешенді тергеу және жедел-іздестіру әрекеттерін жүргізіп жатыр, – делінген полиция хабарламасында.
Алдын ала мәлімет бойынша, күдікті бұрын сотталған.
Еске салайық, бұған дейін Алматы облысында мектеп түлегі сыныптасына шампур сұғып өлтіргенін хабарлаған едік.