Синоптиктер алдағы күндердегі ауа райына болжам жасады, деп хабарлайды Ulysmedia.kz.
ТОЛЫҒЫРАҚ
"Қазгидромет" РМК мәліметінше, атмосфералық фронттардың өтуіне байланысты республиканың басым бөлігінде ауа райы тұрақсыз болады: жаңбыр жауып, найзағай ойнайды, жел күшейеді, күндіз бұршақ жаууы мүмкін.
1 маусым күні оңтүстік-шығыстағы таулы аймақтарда, 2 маусымда батыс пен оңтүстік-шығыста нөсер жаңбыр жауады. Оңтүстік-батыс, оңтүстік және оңтүстік-шығыс өңірлерде шаңды дауыл соғуы ықтимал.
Батыс пен солтүстік-батыста аптап ыстық бәсеңдейді. Ал қалған өңірлерде ауа температурасы біртіндеп көтеріледі. Елдің орталығы мен оңтүстігінде күндізгі уақытта 35-40 градусқа дейін қатты ыстық болады деп болжанып отыр.