Жергілікті нарықтағы ірі ойыншылар шетел валютасын сатып алу көлемін азайтты, деп хабарлайды Ulysmedia.kz.
Сәрсенбі күнгі валюта саудасы қорытындысы бойынша USDKZT жұбы айтарлықтай өзгерген жоқ — бір доллар 508,32 теңгемен жабылды (–0,07 теңге).
«Соған қарамастан, сауда белсенділігі айтарлықтай артты – сауда көлемі 289,3 миллион долларды құрады. Бұл биылғы жыл басынан бергі орташа тәуліктік көрсеткіш — 237,6 миллион доллардан әлдеқайда жоғары. Бұл жергілікті нарықтағы ірі қатысушылардың импорттық келісімшарттарды төлеу және сыртқы міндеттемелерді өтеу/қызмет көрсету шеңберінде өз қажеттіліктерін өтеп, шетел валютасын сатып алу көлемін қысқартқанын көрсетуі мүмкін», – делінген АФК жариялаған талдауда.
Теңгеге белгілі бір деңгейде қолдау көрсетіп отырған тағы бір фактор – Ұлттық банктің шетел валютасын сату операциялары болуы мүмкін.
Бұған дейін де Қазақстандағы сауда қорытындысы бойынша доллар бағамы сәл төмендеген еді.