Қаржылық сарапшы Нұрғали Нұрмахамбетов алдағы уақытта АҚШ валютасының айтарлықтай арзандайды деп болжайды, деп хабарлайды Ulysmedia.kz.
ҮШ НЕГІЗГІ ФАКТОР
Сарапшының айтуынша, доллардың арзандауын тек өзі ғана емес, ірі халықаралық инвестициялық ұйымдар – Citigroup пен JPMorgan да болжайды. Нұрмахамбетов доллар бағамының 400 теңгеге дейін төмендеуіне үш себеп әсер етуі мүмкін екенін айтты.
– Үш негізгі фактор бар: біріншіден, Ақ үй әкімшілігінің қазіргі жаңа саясаты доллардың құнын төмендетіп жатыр. Екіншіден, пайыздық мөлшерлеме төмендеуі мүмкін, бұл – ФРЖ-ге (Федералдық резерв жүйесі) қысымды арттырады. Үшіншіден, ең маңыздысы – АҚШ-тың өсіп жатқан мемлекеттік қарызы, бұл инвесторлар арасында алаңдаушылық туғызуда. Бірақ Қазақстанның ішінде жағдай мәз емес қой" деуіңіз мүмкін. Оның маңызы жоқ. Маңыздысы – доллардың әлемдік нарықтағы құны, ал ол алдағы уақытта әлсірейді, – деді сарапшы Threads әлеуметтік желісіндегі парақшасында.
ҚАЗІРГІ ЖАҒДАЙ
Қазіргі таңда Қазақстандағы валюта айырбастау пункттерінде 1 АҚШ доллары шамамен 521–523 теңге көлемінде саудалануда.
БҰҒАН ДЕЙІН
Еске салайық, бұған дейін Қазақстан Ұлттық банкінің төрағасы Тимур Сүлейменов соңғы күндері доллар бағамының күрт өсуінің негізгі себептерін атады.